SOMALIA:DP World Oo Heshiis Ku Kacaya 336 Milyan La Saxeexatay Maamul-gobolleedka Puntland.

0
464

Hishiiskan waxaa qalinka ku duugay madaxweynaha Puntland Cabdiwali Cali Gaas oo wehilyaan saraakiil katirsan dowladda iyo mas’uuliyiinta shirkadaas.

Gaas ayaa waddanka Imaaraadka u tagay inuu dhammaystiro mashruucan oo uu sheegay in laga dhaxli doono faa’iido weyn xilli todobaadkan uu ka dhoofayay magaalada Garowe.

Inkastoo aan faah-faahin rasmi ah laga hayn waxyaabaha rasmiga ah ee ku cad hishiiskan labada dhinaca, ayaa wararku waxay sheegayan in dhawan shirkaddu bilaabi doonto dhismaha dekedda.

Shirkada DP World ayaa hishiisyo kala duwan kula jirta dalka Jabuuti iyo maamulka Somaliland oo dhawaan ku wareejiyay dekedda Ber-bera taasoo ay ku samaynayso ballaarin iyo dayactir.

Somaliland ayaa shirkadaas kula hishiisay in muddo 25 sano ah maamusho dekedda Berbera.

Lama oga in sida maamulka Somaliland oo kale Puntland ku wareejin doonto dekedda Bosaso.

Qorshahan ayaa kusoo aaday xilli golayaasha dowladdu ay ansixiyeen mashruuc lagu dhisayo garoonka diyaaraha Galkacyo iyo waddo Laami ah oo isku xiri doonta Garowe iyo Eyl gobolka Nugaal.

Mashruucaas ayaa waxaa fulin doono shirkadda CCECC oo laga leeyahay dalka China taasoo dhistay garoonka diyaaradaha Bosaso.

Kaafi media

Somalia