Xuska maalinta dalxiiska Aduunka Ayaa Lagu Qabtay Muqdisho iyo Dareenka Madasha. 

0
119

Xafladdaasi waxaa ka qeybgalay mas’uulayiin ka tirsan dowladda Federaalka Somaaliyaha Hay’adda  iyo ururrada dalxiiiska dalka iyo  fananniinta Kooxda Banaadir.

Agaasimaha Guud ee Wasaaradda Warfaafinta Dhaqanka iyo Dalxiiska Cabdiraxmaan Sh, Yuusuf iyo Yaasir Maxamed Baafo ayaa ka hadlay ujeedada ay leedahay munaasbadan waxeyna guul weyn ku tilmaameen in Soomaaliya ay xubin buuxda ka noqotay Hey’adda Dalxiiska adduunka.

Wasiirka Caafimaadka Xukuumadda Soomaaliya Fahma Abiikar Nuur iyo  Wasiir Ku xigeenka Wasaradda Gar gaaar Cilmi Cumar Ciise  ayaa bogaadiyay dadaalka dheer  ee loo soo galay xubinnada Soomaaliya ee dalxiiska Aduunka.

Gudoomiyaha Gobalka Benaadir Taabid Cabdi Maxamed ayaa tilmayay in ka maamul ahaan ay sameyn  doonaan qorshayaal lagu horumarinayo dalxiiska Caasimada.

Wasiirka Wasaaradda Warfafinta Dhaqanka iyo Dalxiiska Cabdiraxmaan Cumar Cusmaan Eng: “Yariisoow” ayaa sheegay ay muhiimad gaar ah u leedahay dalka  ku biiritaanka hey’adda dalxiiska adduunka iyo dalxiisayashaba.

  1. Kaafimedia Muqdisho